Sepedi Prayers to Our Lord

Oho Jesu wa ka, anke o re swarele dibe tša rena,

o re phemiše mello ya Dihele,

o dire gore meoya ka moka e tsene Legodimong,

kudukudu meoya ye e hlokago mogau wa thušo ya Gago go fetiša ye mengwe. Amen

Pelo e kgethwa ya Jesu, mothopo wa tšeo di lokilego ka moka, ke a go khunanela, ke dumela go wena, ke bea kholofelo ya ka go wena, ke a go rata gomme ke swabela dibe tša ka. Ke go neela pelo ya ka ya bohloki gore e be ye e ikokobetšago, ya bopelotelele le yeo e hlwekilego go tšohle.

Go tšohle tšeo o di kganyogago, wena Jesu yo a rategago, dira gore ke phele go wena o phele go nna.

Ntšhireletše dikotsing ka moka o mphe bophelo mmeleng le moyeng, le ditšhegofatšo tša gago go ka moka tšeo ke di dirago, le garasia ya lehu le le kgethwa. Amen.