Ke lumela ho Molimo Ntate ea matla ohle, Mmopi wa leholimo le wa lefatše, le ho Jesu Kriste Mora oa hae a inotsi. Morena oa rona ea emotsoeng ka Moea o Halalelang ea tsoetsoeng ke Maria Movirigo, ea utloisitoeng bohloko pusong ea Ponso Pilato, ea thakhisitsoeng sefapanong a shoa a patoa lebitleng, a theohela nqalong ea bafu. A tsoha bafung ka letsatsi la boraro, a nyolohela leholimong. O lutse ka letsohong le letona la Molimo ntate ea matla ohle, Me o tla khutla teng ho tla ahlola baphelang le ba shoeleng. Ke lumela ho Moea o haIalelang, ho kereke e halalelang e Katolike, selekane sa bahalaledi, tsoarelo ea libe, tsoho ea bafu le bophelo bo sa feleng. Amen.
Hopola Oho Movirigo Maria ea borapeli bo boholo, hore ha ho seo utloahale lefatsheng hore ea mathelang tshireletsong ea hao kappa ea kopang dithapello tsa hao, o ile a lahloa. Le nna ka ho khothatswa ke tshepo e jwalo, ke mathela ho uena, oho Me Movirigo oa bavirigo. Ke tlile ho uena; a ko thuse moetsalibe ea llang pela hao. Oho MaLentsoe la Molimo, o se ke ua khesa mantsoe a ka, o mpe o a utloe ka mohau Me u arabele. Amen.
Ho tlotlisoe Molimo
Ho tlotlisoe lebitso la hae le halalelang
Ho tlotlisoe Jesu Kriste, Molimo ruri le motho ruri
Ho tlotlisoe lebitso le halalelang la Jesu.
Ho roriswe Pelo ea hae e bohlokoa haholo.
Ho tlotlisoe mali a hae a bohlokoa haholo.
Ho tlotlisoe Jesu ea leng Sacramenteneng e halalelang, haholo ea Aletare.
Ho tlotlisoe Moea o halalelang, Motselisi.
Ho tlotlisoe ea phahamisitsoeng MmaMolimo.
Maria ea halalelang haholo
Ho tlotlisoe Kemolo ea hae e halalelang e se nang sekoli.
Ho tlotlisoe nyolohelo ya hae e khanyang.
Ho tlotlisoe lebitso la Maria Movirigo le Motsoali.
Ho tlotlisoe Josefa ea halalelang, monyali oa hae ea halalelang haholo
Ho tlotlisoe Molimo ho mangeloi a hae le ho bahalalaleng ba hae.
St. Maximilian Kolbe
Oho Mofmahali ea se nang sekoli oa leholimo le oa lefatše, setšabelo sa baetsalibe, le ‘Marona ea ratehang haholo, eo Molimo a mo entseng moabi oa mohau oa hae,
Nna (lebitso)… moetsalibe ea sa tšoanelang, ke itihela maotong a hao a halalelang. Ke o kopaka boikokobetso ho nkamohela kaofela ha ka le ka ho tlala; joaloka phahlo ea hao. Oho Me ke o nehela tsohletsohle tsa moea oa ka mmeke beha bophela, lefu, le qetello eaka matsohong a hao e le hore o tlo nthuse le ka tsohle tsa ka ho ea ka moo o ratang ka teng. Ithuse ka nna Oho Movirigo ea se nang sekoli ka moo u ratang ho phethahatsa se neng se ngoloe ka uena ha hot hoe: “U tla khoba hlohl ea hae Me u felise bokhelohi bohle lefatsheng.” Etsa hore matsohomg a hao a hloekileng haholo, a tletseng mohau ke tle ke be eo o ithusang ka eena hore o tsejoe, Me o ratoe le ke meea e hlahlathelang, Me e sa tsotelleng pholoho ea eona. Hape o ko ngatafatse palo ea bao ba o thahasellang, Me ba u ratang e le hore Mmuso oa Pelo e Tlotlehang ea Jesu o tle o anafale ka lefatshe lohle.
Hona nka ho etsa Oho Me ea halalelang, ea se nang sekoli ka thuso ea hao feela hobane kae kappa kae moo u sitsang batho ka thuso ea hao, ke hona teng feela mmuso o motle oa Pelo e tlotlehang ya Jesu o ka hlongoang. A ho be joalo.
Morena o re hauhele, Morena o re hauhele
Kriste o re hauhele, Kriste o re hauhele
Morena o re hauhele, Morena o re hauhele
Kriste o re mamele, Kriste o re hauhele
Ntate ea maholimong, uena u leng Molimo ………… u re hauhele
Mora, Molopolli oa lefatše, uena u leng Molimo
Moea a halalelang uena o leng Molimo
Boraro bo halalelang, uena o leng Molimo a le mong
Maria ea halalelang ………….. u re rapelle
Mma Molimo ea halalelang
Ma Jesu Kriste
Magrasia ea Molimo
Me ea hloekileng haholo
Me ea bolokileng bovirigo haholo
Me ea bohloeki ba sa nkang ba senyeha;
Me ea se nang sekoli
Me ea babatsehang
Me ea ratehang
Mmakeletso e ntle
Mma Mmopi oa rona
Mma Mopholosi oa rona
Movirigo ea bohlale haholo, …u re rapelle
Movirigo ea hlomphehang
Movirigo ea rorisehang
Movirigo ea matla
Movirigo ea mosa
Movirigo ea tsepahalang
Seipone sa khalalelo
Setulo sa bohlale
Mohloli oa thabo ea rona
Tempele ea Moea o halalelang
Tempele ea bohlokoa
Tempele e khethetsoeng Molimo
Rosa e nang le botle bo patiloeng
Qhobosheane ea Davida
Qhobosheane ea bohloeki
Sanctuari e phelang ea lerato
Areka ea selekane se secha
Monyako oa leholimo
Naledi ea meso
Pholo ea bakuli
Setshabelo sa baetsalibe
Motselisi o aba litsietsing
Mothusi oa bakriste
Mofumahali oa mangeloi
Mofumahali oa bapatriareka
Mofumahali oa baprofeta
Mofumahali oa baapostola
Mofumahali oa bashoela-tumelo
Mofumahali oa babolela-tumelo
Mofumahali oa bahalaleli bohle
Mofumahali ea emotsoeng a se na sekoli
Mofumahali ea nyolletsoeng leholimong
Mofumahali oa Rosari e halalelang
Mofumahali oa khotso
Konyana ea Molimo, uena ea tlosang, libe tsa lefatše, u re tsoarele Morena
Konyana ea Molimo, uena ea tlosang, libe tsa lefatše, u re utloe Morena
Konyana ea Molimo, uena ea tlosang, libe tsa lefatše, u re hauhele.
S: U re rapelle Me ea halalelang oa Molimo
P: Re tle re tšoaneloe ke lipallo tsa Jesu Kriste
A re rapeleng: Oho Morena Molimo, rea u rapela u nu re thuse ka mehla bophelo bo monate ba Mele le moea; Me ka dithapelo tse matla tsa Maria ea halalelang eo e leng Movirigo ka mehla, u re ntshe litsietsing tsa kajeno Me u re nehe maiketlo a bophelo bo sa feleng; ka Kriste Morena oa rona. Amen.
Oho Mikaele Moarekangeloi ea halalelang,
u re qobeletse letsatsing la ntoa,
u be setšabelo sa rona hara makhopo le maraba a satane.
Re rapela ka boikokobetso Molima a mo khalemele! ‘Me oena,
Tona ea makhotla a leholimo,
hammoho le meea e meng e mebe e sollang lefatšeng,
e batlang ho senya meea ea batho. A ho be joalo.
Ahe Mofumahali, Mmamohau, uena bophelo bo monate le tšepo ya rona ahe! Re hoeletsa ho oena rona ba lelekiloeng bana ba Eva. Re u hloloheloa ka pelo e hlomohileng e meokho, ha re ntse re le koano sekhutlong sena sa lillo. Oho hle uena moemeli oa rona, u re talime ka mahlo ana a hao a tsebang ho hauhela; ,Me ha ho se ho fetile nako ea teleko ya rona, u re bontše Jesu, ngoana ea lehlohonolo oa popelo ea hao, oho uena ea mohau, ea mosa, ea monate, Movirigo Maria.
S: U re rapelle ‘Me ya halalelang oa Molimo.
P: Re tle re tsoaneloe ke lipallo tsa Jesu Kriste.
A re rapeleng: Oho Molimo, uena setsabelo le matla a rona, u talime ka mohau sechaba sa hao se hoeletsang ho uena, Me ka baka la lithapello tsa Maria Movirigo, ea se nang sekoli, ‘MaMolimo le tsa Josefa ea halalelang, momyali wa hae, le tsa Baapostola le bahalaleli bohle, aku mamele ka mosa dithapelo tseo re li etsetsng a tšokoloho ea baetsalibe, hammoho le tokollo le phahamiso ea Kereke e halalelang: ka Kriste Morena oa rona. A ho be joalo.
