Mokgethwa Michael, Morongwa yo Mogolo, re lwele ka letšatši la ntwa, re šireletše kgahlanong le bokgopo le melaba ya diabolo. Re rapela ka boikokobetšo gore anke Modimo a mo kgalemele, Le wena, Kgošana ya Madira a Legodimo, ka maatla a Modimo, ba tlo fišwa mollong wa dihele, Sathane le meoya ka moka ye mebe yeo e ralalago le lefase ka bophara, e nyaka tshenyego ya meoya. Amen.
Pelo ye kgethwakgethwa ya Jesu, O re gaogele (x3)
Gopola Mohumagadi wa Pelo ye Kgethwa dilo tše kgolo tše Morena a go diretšego tsona.. O go kgethile gore o be Mmagwe.O go nyakile kgauswi le yena ge a le sefapong. O go fa kabelo letagong la gagwe. O theeletša thapelo tša gago. Anke o mo neele thapelo tša rena tša tumišo le ditebogo, re išetse dikgopelo tša rena. Anke re phele go swana le wena leratong la Morwa wa gago gore Mmušo wa gagwe o tle.
Iša batho ka moka mothopong wa meetse a phelago ao a elago a etšwa pelong ya gagwe,a phatlalatša kholofelo le phološo, toka le khutšo lefaseng ka bophara. Bona potego yarena go wena. Araba dithapelo tša rena ipontšhe ka mehla o le Mmarena. Amen.
Pelo e kgethwa ya Jesu, mothopo wa tšeo di lokilego ka moka, ke a go khunanela, ke dumela go wena, ke bea kholofelo ya ka go wena, ke a go rata gomme ke swabela dibe tša ka. Ke go neela pelo ya ka ya bohloki gore e be ye e ikokobetšago, ya bopelotelele le yeo e hlwekilego go tšohle.
Go tšohle tšeo o di kganyogago, wena Jesu yo a rategago, dira gore ke phele go wena o phele go nna.
Ntšhireletše dikotsing ka moka o mphe bophelo mmeleng le moyeng, le ditšhegofatšo tša gago go ka moka tšeo ke di dirago, le garasia ya lehu le le kgethwa. Amen.
Dumela Mohumagadi, Mma – lešoko wena, Bophelo le bose le Kholofelo ya rena, dumelaǃ
Re goeletša go wena rena bana ba ba rakilwego ba Efa. Re a go hlologela, re fegelwa, re lla ka megokgo ka mo moeding wa dillo. Ka baka leo, Moemedi wa rena, o retollele mahlo a gago a kgaogelo go rena gomme ka morago ga go rakwa ga rena o re bontšhe Jesu, seenywa sa lešego sa mmele wa gago. Wena o lešoko le botho le bose Kgarebe Maria.
Mohumagadi wa legodimo, thabaǃ Alleluyaǃ
Gobane yo o swanetšego go mo rwala. Alleluyaǃ
O tsogile bjaloka ge a boletše. Alleluyaǃ
O re rapelele go Modimo. Alleluyaǃ
Hlalala, o thabe, Kgarebe Maria Alleluyaǃ
Gobane Morena o tsogile ruri. Alleluyaǃ
A re rapelengǃ
Modimo, o thabišitše lefase ka tsogo ya Morwa wa gago, Morena wa rena, Jesu Kriste. Re a go rapela, dira gore ka Motswadi wa gagwe, Kgarebe Maria,re hwetše lethabo la Bophelo bjo bo sa felego. Amen.
Morongwa wa Morena a tsebiša Maria
Gomme a imišwa ka Moya wo Mokgethwa
Dumela Maria…..
Bona, ke modiredi wa Morena.
A go direge go nna ka lentšu la gago
Dumela Maria….
Gomme lentšu la ba nama.
Gomme la dula gare ga rena.
Dumela Maria……
O re rapelele , Motswadi yo mokgethwa wa Modimo
Re tle re swanele dikholofetšo tša Kriste.
A re rapelengǃ
Re a go kgopela , Morena , tšhela grasia ya gago dipelong tša rena. Re tseba ka lentšu la Morongwa gore Kriste , Morwa wa gago , o ile a ba motho. Ka mahloko le sefapano sa gagwe dira gore re fihlele bogošing bja tsogo ya gagwe. Ka Kriste yena yo, Morena wa rena. Amen.
