Domine Deus, spero per gratiam tuam remissionem omnium peccatorum, et post hanc vitam æternam felicitatem me esse consecuturum: quia tu promisisti, qui es infinite potens, fidelis, benignus, et misericors. In hac spe vivere et mori statuo. Amen.
Prayers and Devotions
Mysteries Of The Rosary (Latin)
Joyful
Prímum mystérium est:
Annuntiátio Beátæ Maríæ Vírginis
Secúndum mystérium est:
Visitátio Beátæ Maríæ Vírginis ad Sánctam Elízabethem
Tértium mystérium est:
Natívitas Dómini nostri Jésu Christi
Quartum mystérium est:
Praesentátio Puéri Jésu in Templo et Purificátio Beátæ Maríæ Vírginis
Quintum mystérium est:
Invéntio Puéri Jésu in Templo
Sorrowful
Prímum mystérium est:
Orátio in horto Dómini nostri Jésu Christi
Secúndum mystérium est:
Flagellátio Dómini nostri Jésu Christi
Tertium mystérium est:
Coronátio spinis Dómini nostri Jésu Christi
Quartum mystérium est:
Bajulátio Crúcis Dómini nostri Jésu Christi
Quintum mystérium est:
Crucifíxio et mors Dómini nostri Jésu Christi
Glorious
Prímum mystérium est:
Resurréctio Dómini nostri Jésu Christi a mórtuis
Secúndum mystérium est:
Ascénsio in cáelis Dómini nostri Jésu Christi
Tértium mystérium est:
Advéntus Spíritus Sancti in discípulos et Beátæ Maríæ Vírginis
Quartum mystérium est:
Assúmptio Beátæ Maríæ Vírginis ad cáelum
Quintum mystérium est:
Coronátio Beátæ Maríæ Vírginis in cáelis
sourced from https://catholicnewsboy.com/mysteries-of-the-rosary-in-latin/
Anima Christi (Latin)
Anima Christi, sanctifica me;
Corpus Christi, salva me;
Sanguis Christi, inebria me;
Aqua lateris Christi, lava me;
Passio Christi, conforta me;
O bone Iesu, exaudi me;
Intra tua vulnera absconde me;
Ne permittas me separari a te;
Ab hoste maligno defende me;
In hora mortis mea voca me;
Et iube me venire ad te;
Ut cum Santis tuis laudem te
in saeculua saeculorum.
Amen.
Te Deum (Latin)
Te Deum laudamus: te Dominum confitemur. Te aeternum Patrem omnis terra veneratur. Tibi omnes Angeli; tibi caeli et universae Potestates; Tibi Cherubim et Seraphim incessabili voce proclamant: Sanctus, Sanctus, Sanctus, Dominus Deus Sabaoth. Pleni sunt caeli et terra maiestatis gloriae tuae. Te gloriosus Apostolorum chorus, Te Prophetarum laudabilis numerus, Te Martyrum candidatus laudat exercitus. Te per orbem terrarum sancta confitetur Ecclesia, Patrem immensae maiestatis: Venerandum tuum verum et unicum Filium; Sanctum quoque Paraclitum Spiritum. Tu Rex gloriae, Christe. Tu Patris sempiternus es Filius. Tu ad liberandum suscepturus hominem, non horruisti Virginis uterum. Tu, devicto mortis aculeo, aperuisti credentibus regna caelorum. Tu ad dexteram Dei sedes, in gloria Patris. Iudex crederis esse venturus. Te ergo quaesumus, tuis famulis subveni: quos pretioso sanguine redemisti. Aeterna fac cum sanctis tuis in gloria numerari. Salvum fac populum tuum, Domine, et benedic hereditati tuae. Et rege eos, et extolle illos usque in aeternum. Per singulos dies benedicimus te; Et laudamus Nomen tuum in saeculum, et in saeculum saeculi. Dignare, Domine, die isto sine peccato nos custodire. Miserere nostri domine, miserere nostri. Fiat misericordia tua, Domine, super nos, quemadmodum speravimus in te. In te, Domine, speravi: non confundar in aeternum.
Stabat Mater (Latin)
Stabat Mater dolorósa
iuxta crucem lacrimósa,
dum pendébat Fílius.
Cuius ánimam geméntem,
contristátam et doléntem
pertransívit gládius.
O quam tristis et afflícta
fuit illa benedícta,
mater Unigéniti!
Quae moerébat et dolébat,
pia Mater, dum vidébat
Nati poenas íncliti.
Quis est homo qui non fleret,
Matrem Christi si vidéret
in tanto supplício?
Quis non posset contristári,
piam Matrem contemplári
doléntem cum Fílio?
Pro peccátis suae gentis
vidit Iesum in torméntis,
et flagéllis súbditum.
Vidit suum dulcem Natum
moriéndo desolátum,
dum emísit spíritum.
Eia, Mater, fons amóris
me sentíre vim dolóris,
fac ut tecum lúgeam.
Fac ut árdeat cor meum
in amándo Christum Deum,
ut sibi compláceam.
Sancta Mater, istud agas,
Crucifíxi fige plagas
cordi meo válide.
Tui Nati vulneráti,
tam dignáti pro me pati,
poenas mecum dívide.
Fac me tecum pie flere,
Crucifíxo condolére,
donec ego víxero.
Iuxta crucem tecum stare,
fac me tibi sociáre
in planctu desídero.
Virgo vírginum praeclára,
mihi iam non sis amára,
fac me tecum plángere.
Fac ut portem Christi mortem,
passiónis fac me sortem,
et plagas recólere.
Fac me plagis vulnerári,
fac me cruce inebriári,
et cruóre Filii.
Flammis ne urar succénsus,
per te, Virgo, sim defénsus
in die iudícii.
Fac me cruce custodíri,
morte Christi praemuníri,
confovéri grátia.
Quando corpus moriétur,
fac ut ánimae donétur
Paradísi glória. Amen.
Angelus (Latin)
V. Angelus Domini nuntiavit Mariae.
R. Et concepit de Spiritu Sancto.
Ave, Maria, gratia plena…
V. Ecce ancilla Domini,
R. Fiat mihi secundum verbum tuum.
Ave, Maria, gratia plena…
V. Et Verbum caro factum est,
R. Et habitavit in nobis.
Ave, Maria, gratia plena…
V. Ora pro nobis, sancta Dei Genetrix,
R. Ut digni efficiamur promissionibus Christi.
V. Oremus. Gratiam tuam, quaesumus, Domine,
mentibus nostris infunde; ut qui, Angelo nuntiante,
Christi Filii tui incarnationem cognovimus,
per passionem eius et crucem ad resurrectionis gloriam perducamur.
Per eumdem Christum Dominum nostrum.
R. Amen.
Sancte Michael Archangele / Prayer to Saint Michael (Latin)
Sancte Michael Archangele,
defende nos in praelio;
contra nequitiam et insidias diaboli esto praesidium.
Imperet illi Deus, supplices deprecamur;
tuque, Princeps militiae caelestis,
Satanam aliosque spiritus malignos,
qui ad perditionem animarum pervagantur in mundo,
divina virtute in infernum detrude.
Amen.
Magnificat
Magnificat anima mea Dominum,
et exultavit spiritus meus in Deo salvatore meo,
quia respexit humilitatem ancillae suae.
Ecce enim ex hoc beatam me dicent omnes generationes,
quia fecit mihi magna, qui potens est, et sanctum nomen eius,
et misericordia eius in progenies et progenies timentibus eum.
Fecit potentiam in brachio suo,
dispersit superbos mente cordis sui.
Deposuit potentes de sede et exaltavit humiles;
esurientes implevit bonis et divites dimisit inanes.
Suscepit Israel puerum suum,
recordatus misericordiae,
sicut locutus est ad patres nostros,
Abraham et semini eius in saecula.